"Halaga ng Pamilya"

"Halaga ng Pamilya"

ni Rose Ann Mendevil

Ang pinakamasayang araw na nangyari sa buhay ko. "Noong mga panahong buo pa ang pamilya ko." Noong mga panahong nagkakasama't masaya kaming namumuhay ng simple, noong masaya kaming kumakain at nagtatawanan. Kay sarap balik balikan ang mga panahong nagdaan, na tila isang bulaklak na muling namukadkad sa galak. Ngunit paano nga ba kung ito'y mawala't matapos na? Maitutuloy pa ba ang mga panahong lumipas at nasira na?

Dumating na nga ang araw, tuluyan ng nasira't nawala ang saya ng nakaraan. Kay hirap palang sabayan ang agos ng buhay. Kung sira na ang dahilan ng saya mong tunay. Paano pa nga ba maitutuloy ang samahang binago na ng panahon. Isa sa pinakamasakit na naranasan ko. Noong tuluyan ng nawala ang saya ng pamilyang meroon ako, na kahit na anong gawin kay hirap ng ibalik. Noong namatay si mama. Ang sakit sakit pala, yong pakiramdam na wala ng saya, yong halos sumuko kana. Ito'y isa sa mga dahilan kung bakit tuluyan ng nawalan ng sigla, na parang punong nabalian ng sanga. Na kapag natanggalan na ng isang sanga'y tuluyan ng nababago ang ganda. Ang hirap pala talaga. Kapag wala ang isang ina, na laging handang alagaan at mahalin ka, na kahit ilang beses ka ng naging dahilan ng galit at sakit niya, patulo'y at patuloy paring nagmamahal at pinipigil ang sakit na kanyang nadarama.

Ngayong wala na siya, unti-unti ng nagkahiwalay ang pamilya. Napahiwalay na kami sa aming ama, upang maipagpatuloy ang pangarap naming pamilya. Ang matapos kami sa aming pag-aaral at tuluyang makalaya at masuplayan ang pangangailangan ng isa't isa. Kaya kahit may dilim na sumusulyap sa aming puso't mga mata. Ito parin kaming ipinagpapatuloy ang buhay na ipinagkaloob niya, patuloy paring kumakapit sa nakaraang masaya, patuloy na lumalaban sa buhay, unti-unting binubuo ang putol-putol na sanga ng puno ng pamilya, at sa paraang ito natin masasabi ang importansiya at halaga ng pamilya.